இராவணனின் பெருமை 

வாரணம் பொருத மார்பும், வரையினை எடுத்த தோளும்,
நாரத முனிவற்கு ஏற்ப நயம் பட உரைத்த நாவும்,
தார் அணி மவுலி பத்தும், சங்கரன் கொடுத்த வாளும்,
வீரமும், களத்தே போட்டு, வெறுங் கையே மீண்டு போனான்.

திசை யானைகளின் எதிர் சென்று போரிட்டுத் தந்தங்கள் துளைத்த மார்பும், கைலாய மலையை அள்ளி எடுத்த வலிமிகு தோளும், நாரத முனிவர் “நன்று நன்று” என்று ஏற்குமாறு சாமவேதத்தை இசை நயத்தோடு பாடிய நாவும், பத்துத் தலைகளில் அணிந்திருந்த மாலை அணிந்த அரசச்சின்னமான மணிமுடி பத்தும், சிவபிரான் தவ ஆற்றல் கண்டு கொடுத்த வாளும், தன்னிடம் என்றும் நீங்காமல் இருந்த வீரப் பண்பினையும், போர்க்களத்திலே போட்டு விட்டு, தன்னிடமிருந்த குணம் ஆகியவற்றையும், இழந்து வெறுங்கையனாய் இலங்கை நகருக்கு மீண்டும் போனான்.

------

நெருப்பு உரைத்தாலும், நீண்ட
மின் உரைத்தாலும், ஒவ்வா விளங்கு ஒளி அலங்கல் வேலோய்! 

நெருப்பை உவமை என உரைத்தாலும், வானத்தில் தோன்றும் நீண்ட மின்னலை உவமை என உரைத்தாலும், ஒப்பாகாது விளங்குகின்ற ஒளியுடைய வெற்றி மாலை சூடிய வேற்படையை உடைய தலைவனே! என்று கூறுகிறார் மாலியவான்

------